Facebook名片

星期六, 6月 16, 2007

警告信

呢個Topic,早排響am730度寫過喇。

關於老細發warning letter俾下屬,其實睇黎睇去,都只係一個警告,一個Notice,極其量講得過份一d,係一個文字形式既「恐嚇」囉,恐嚇下你如果再唔改善呢,你個employment就可能會危d啦。

不過有同事收到回我簽名既warning letter,會埋怨我「罰」得佢太重,又或者罰得佢好唔公平咁。響一個打工仔心目中,一封warning letter係老闆俾自己既一個penalty,但問題係,個penalty查實係d咩呢?冇罰你錢冇減你人工冇叫你留堂,只係警告你,要醒醒定定啦,唔好再犯果d犯過N咁多次既錯。

我咁睇呢個工具丫,我口講勸你你唔聽,咁咪唯有試下用白紙黑字去同你講,力度加重d,睇下效果會唔會好d。

就係咁簡單。

不過唔知點解,好多人都會以為,收warning letter既原因,係因為佢地一次半次既犯錯而做成。佢地收信既一刻,就會好用力咁,就果單一次既事件去辯護。咁老實講,除非有d老闆別有用心,又或者你果一次既單一事件真係大鑊得好緊要啦,否則做老細,又邊會得閒就一次半次既小事小錯去整封警告信你歎呢,真係貪過癮咩。反而呢,俾封warning letter你,係話俾你聽,你既犯錯以經重覆左好多次啦,再係咁,頂你唔順架啦。不過呢個message無論你響封信道寫得幾咁清楚都好,同佢解釋得幾咁詳細都好,有d同事都硬係只會認為你因為某一單個別事件而警告佢,然之後就果一單半單既事重覆又重覆咁自辯,搞到你筋疲力盡。

老實講,做生意咁耐,查實我都好少出到呢招。不過每次出完,我都硬係覺得後悔。唔係覺得自己鬧錯人,而係出信之後既效果,往往同原先希望既出入好大。有時,都真係幾吹脹。

10 則留言:

馬老板 說...

個人經驗, 出完warming letter, 個同事都會好快走哪.

gaubinfor 說...

對一個正常人黎講, 收警告信的效果 = 犯事留案底, 唔死撐自辯, 據理力爭既伙記一係已 "本 per" 等你再頂唔順炒佢, 一係佢已滿肚密圈點樣搞鑊勁既, 把你公司癱瘓為止.

xiao zhu 說...

收到警告信之後為一單半單既事重覆又重覆咁自辯,只係一個現象,並唔一定表示佢哋心裡面唔明白。

當然,從另一角度去睇,佢哋亦的確唔明白。唔明白嘅係就算你所謂之前嘅錯誤,佢哋都唔覺得係錯或者係咁嚴重,唔知點解老細你咁緊張。你可以話佢哋冇自覺、自知能力,你可以話佢哋冥頑不靈,你可以話佢哋水平低、冇sense,你可以話乜都得,有一個事實係不變嘅,就係大家嘅角色係對立嘅話,咁呢啲現象或者處境就好難避免架嘞。

社會上嘅角色分工比例,永遠都係大多數對小數嘅,亦都係大自然定律。

匿名 說...

如果一個人係重視自己既前途, 重視自己既 career path, 一封 warning letter,
即係個底花左, 咁如果佢想同自己爭取一d野既時候,e.g. 加人工or升職, 就要比之前花更多努力同時間啦, 而且收到 warning letter 之後付出既努力同時間, 老細唔一定會count喎, 因為 warning letter 之後老細都已經覺得佢既辦事能力係點, 如果真係咁, 不如早d轉個新環境做野好過啦, 起碼係新地方付出既努力同時間, 會有一個更高既議價能力ma, 就係因為咁, 所以收到 warning letter 之後多數都會轉工,
不過, 出 warning letter 依種 penalty 一定比扣 bonus 好, 雖然結果都係一樣(都係會走), 只係後者會走得更快

匿名 說...

Hi CK,

Your blog is a nice place for sharing. A few questions popped in my head and I would like to share with you:
1.你出 warning letter時, End game 你想得到什麼Result?
2.你會重用收過你 warning letter的伙計嗎?

Thank you & best wish,

G.

gaubinfor 說...

樓上的匿名君 : " 出 warning letter 依種 penalty 一定比扣 bonus 好 "

可惜響香港, 所認識的機構, 特別是半官方機構, 公用事業和連鎖大集團, 發警告信必定同步扣花紅, 而且一定對升級有負面影響. 在這些機構內是沒有將功補過這回事.

那些機構的主管們會不會想過濫發警告信會加劇 staff turnover ? 現時他們補充員工完全無難度, 警告信怕甚麼發 ?

實際上純祽以 sales quota 來評核員工的行業, 例如地產, 保險代理, 銀行等, 發警告信多因員工明顯違反了行業的專業操守, 但又未至於被行業從業員的監管組織釘牌, 但只要那員工之後保持到所需的營業額, 對升遷全無影響.

肥仔 說...

對一個員工,收到 warning letter 對自己係公司既前途都影響幾大,特別係大公司

即使係中小企,即使係 CK 老闆唔介意他日提拔一個收過 warning letter 既 staff

但個 staff 唔會咁睇,反而係走人居多

seikomatic 說...

警告信系為上勞工處做准備。

匿名 說...

可以逼到boss 出 warning letter 既staff....通常都救吾返

匿名 說...

如果你有多位員工於同一日一起瞞騙公司有關遲番既打卡時間,你會發警告信嗎?