我Out啦

幾個星期之前，我同Kelly，仲有兩三個同事傾緊，2008年公司有d咩新既product同services可以offer俾客人。

同事們有唔同既suggestion，我聽到一半，忍唔住就同佢地講：「Rachael，唔好意思打斷你，不過我覺得你呢個idea唔會行得通。」

Rachael聽到我對佢既idea冇興趣，當然有d冇癮啦。佢亦好識趣咁唔再堅持落去。

*****

初初創業既時候呢，我對生意有好多好多idea。咁初入行，經驗又冇，行業既知識又少。咁好多呢類idea，都係天馬行空。呢堆天馬行空既idea，其實撞板多過食飯。不過因為初入行果陣，不知天高地厚，所以呢堆idea反而冇框框束縛住，創意我覺得都幾夠架。呢一大堆idea之中，只要偶然有一次俾佢扑得中，過得到骨，因為idea夠創新，所以都有能力可以推動公司向前行一大步。老實講丫，有時我覺得，衰十次，贏一次，計返轉頭其實都有賺。

做左幾年，公司叫做經歷過些少成功，我對自己既經驗同能力都有左信心。經驗好寶貴，響好多day to day既business decision之中，所累積既經驗，能夠大幅咁提高我做決定既效率。唔好睇少老細做決定既效率呀，公司既競爭力夠唔夠，好多時都好睇老闆make decision既時候夠唔夠果斷。衣家既CK，做判斷所依賴既，好大程度上就係呢d累積左既經驗。效率無疑係幾高啦我覺得，不過當一個人做事越依賴經驗既時候，創意就變得越黎越少。而且經驗多少帶俾我一d無謂既自信。對於乜野係得，乜野係唔得，我一早響心入面就下左定論。

That's why Rachael未講完，我就一口咬定佢個idea唔work。

我今日忽然響度諗，自己其實響不知不覺間，變左啦。比著以前，我肯定唔會咁武斷。

而武斷既背後，係自以為好足夠既經驗，同埋以為自己醒過人地囉。

*****

如果，我間公司係一間巨無霸既企業，我既工作主要係守業的話，我既經驗或者真係幾重要既。不過我既生意仲好年青，仲需要繼續向前。我依賴經驗去做事，多少只會阻住公司發展囉我覺得。

同事既idea，可能同我以前一樣，係天馬行空，撞板多過食飯。不過好似以前一樣，撞十次板，贏返一次，計落都已經有賺。只要贏到一次，就可以推動公司行得再前d。唉，有時我諗，以前我對自己不斷撞板既包容，今日反而不自覺咁對同事收起左。咁樣，唔掂呀。

如果講生意既創意同idea，我諗我，Out晒啦。

生意行到咁上下，我諗公司開始要靠我下面果一班仲未被「經驗」同「自大」所污染既同事，幫我搵辦法去突破啦。

我既角色，大概應該只係提供一個環境比佢地繼續去天馬行空，同埋響佢地天馬行空既同時，幫佢地逗住，撞起板上黎果陣唔好撞得咁甘。

淨係靠我呢個老細，老老土土咁行落去，唔掂呀。

祝大家有個愉快既週末。