有個朋友無聊問我：「查實你做生意係咪真係只係為錢？」
「痴線，梗係為錢啦。」我答得出奇地爽快：「唔通係為理想咩。」
類似問題我答過好幾次，我既標準答案係「100%，純粹為錢」。但我知道事實並唔係咁，只係唔知咩原因，我唔係好夠膽響認識既人面前承認。
*****
講真，我從來冇發過白日夢，自己能成為超級富豪，亦未試過有一刻，會天真到相信有朝一日自己檔生意會為自己帶來巨額財富。創業，係因為當年冇更好既路行。如果當日我有份好工可以身光頸靚出入中環，我估我既事業係絕對唔會朝住今日呢個方向走。有次同另一個朋友，提及我呢一個感受，咁朋友又問我：「拿，假設如果今時今日，有份你頭先講，可以身光頸靚既好工請你，賺既錢同你依家一樣，甚至更多，咁你願唔願意放棄檔生意去做先？」
「多d錢喎，梗係肯啦！」我諗都唔諗就答：「仲要唔駛好似依家咁煩喎，幾大都去做啦。」
把口係咁講，但係自己好清楚，心其實並唔係咁諗。做左咁耐老闆，心態上點樣可以返轉頭去做打工仔丫講真。100%純粹為錢既講法，自己好清楚係個大話。
*****
「一係唔落場，落得場踢波你就唔會想輸。」
呢句係我覺得對自己作為一個生意佬既最佳寫照。又有另一個無聊朋友，曾經問過我一個無聊問題：「查實你地d生意佬，係咪每個月都不停響度計住自己今個月賺幾多錢？」
「你都傻既…」我話：「一盤生意你連賺幾多錢都唔知的話，點做呀？你唔計，你個會計都會幫你計啦。」
公司條數，會計月月都會update，呢個絕對係真。之但係「我自己每月賺幾多」…講真，我有出糧俾自己，份糧夠我生活所需。我每個月，響我既腦袋入面，賺既，就係份糧咁多咁大把。講都未必有人信，但我地每日最在乎既，並唔係我可以「賺到幾多」，而係點樣唔好俾檔生意死。正如一個球員落場踢波，你唔會成日響度諗，自己月尾份波糧有幾和味，響球場上面，你淨係會諗：「我—要—贏。」
創業做生意讓人更加認識自己，而我呢，響做生意既過程裡面，發現自己原來可以咁好勝。
或者正確d講，我份人其實唔輸得。
*****
老豆教落，如果你發左達，記住要做一個「唔出名冇人識」既有錢佬。有利無名既有錢人既人生先至最過癮。一出左名，麻煩同痛苦就會跟住黎。
剛剛相反既係，好多人做生意賺到好多錢之後，下一步就係諗要「名」。我識得幾個前輩，生意做得好出色之後，千方百計要令自己出名，連帶佢既子女，都局住不斷出席社交場合。佢地話，要「維持家聲」。
名與利，我覺得當你好落力咁落場比賽既時間，你跟本冇時間去諗。當然，你都已經贏左場比賽，先至去諗去追求，自然冇問題。但係當你仲響球場上面苦戰當中，日日諗住呢d咁既事，你就唔會集中精神比賽。場波，好難會贏。
*****
當有行家做得比你出色，賺得比你多錢既時候，你會有乜感覺？
每次聽到呢d消息，心裡面總係會好不安。唔係因為妒忌人家成就，不安係因為，人地同你差唔多時間起步，但人地做到咁既成績而你做唔到，不其然令你懷疑，係咪自己一直以來既策略唔岩？做生意既方法係咪有出錯？
當然，你可以埋怨地產霸權，亦可以抱怨人家資金背景比你豐厚百倍。只係埋怨的話無助你響逆境中反敗為勝。打逆境波，最需要既係心理質素。
講到尾，還是用同一句說話去支撐住：
「我—要—贏。」
又或者換個角度，其實係「我—怕—輸。」
到最後呢個性格特質會係個優點還是缺點？嘿嘿。
祝大家有個愉快既週末。
星期四, 五月 03, 2012
發展速度
響傳聞Facebook快將以近千億市值上市既日子裡，某日有個生意上既朋友同CK講：「CK，你就撈得掂啦，你檔野都仲未夠十年，就有咁既規模，快展速度恨死隔離呀… 」
「查實你係咪串緊我？」我苦笑：「做左咁多年都仲係叫做中小企，咁都叫做發展得快？咪玩我啦大哥。」
我有時都會諗：「拿，對上果十年，都算係咁啦。檔生意當日由零開始到依家都叫做有d規模有d名氣，算係對自己有交代啦掛…」不過當我沾沾自喜既同時，我又會諗起果d，做左幾年就檔生意就發到無限大既生意，好似facebok咁。ok， 望一望自己，嘩，差太遠啦掛…
唔好講到咁遠，講本地薑，電訊魔童王維基丫。佢創業果陣同CK創業果陣，年紀差唔多。到佢好似我依家咁既年紀既時候，佢檔生意已經響美國上左市lu。咁我果檔生意又點呢？今日我依然係處於今日唔知聽日事，一個犯錯可以輸晒咁多年心血既中小企階段。同佢地相比，我檔生意何得何能稱得上「發展快」？
朋友聽到我咁講，忍唔住大笑。
「CK，你入行第一日，就知道我地呢行係一門揼石仔既生意黎架啦。 以揼石仔既速度黎講，你咪算揼得手快囉。好多人不單止揼得唔快，佢地仲會唔小心揼親自己添。」
「哈哈，揼你同我唔死，算我地好運囉。」我苦笑。
有時都會諗，其實仲要揼多幾多年，自己先會 覺得理想達到？
祝大家有個 愉快既週末。
星期二, 五月 01, 2012
像我這樣多疑的人
三色台晚上播《三國》，係最近我每晚必追既劇集。
我算係個《三國》迷，同好多朋友一樣，愛上《三國》係因為打機。KOEI公司出既三國電腦遊戲，係我自己其中一個最重要既少年回憶。
然而細個讀《三國》，係為左方便自己打機。但係同一個《三國》既故事，長大之後透過各種媒體，不斷番睇又番睇，每次睇完，都有一d新既領會。特別做生意之後，自己成為左老闆，商場如戰場，對故事各個情節既感受，就更深。
*****
人總是敗給自己
早幾日，我響我老豆屋企食宵夜吹水。電視機剛剛播緊《三國》。老豆指住個電視話：「仔，你睇你，你同阿曹操一樣呀，多疑到死呀。」
我老豆同我性格好唔同。我老豆係個「賭徒」，做人永遠係一鼓作氣向前衝，打死罷就果隻。我就剛剛相反，做事總係左諗又諗，懷疑下呢樣又懷疑下果樣。 老豆嫌我做人多疑，佢講左好多年，佢話終有一日呢個多疑既性格會害番我自己。
曹操係大野心家，而且智慧過人。我都想好似佢咁，有咁既頭腦同識見。不過我反而記得戲裡面曹操曾經咁樣評價過自己：「成也多疑、敗也多疑。」
「多疑」這種性格特質，我估一般人都會認為係一個「有問題」，又或者係負面既性格特質。然而我卻傾向覺得，「多疑」本身並冇特別屬於正面或者負面既本質，問題在於你點樣去運用呢一個性格特質。事實上，我覺得人總係喜歡斷章取義，習慣將不同既性格特質粗疏地定性為「好」與「壞」 ，但事實卻並唔係咁樣。絕大部份既性格特質，本質上其實都係「中性」，冇所謂好、壞之分。只係不同既時間，不同既場合，不同既運用方法，同一個性格特質，會引發出南轅北轍既結果。像「多疑」，提起呢個特質，總係讓人諗起「唔信人」、「冇親信」、「孤寡」得結果，但「多疑」的人做事通常小心謹慎，而且凡事都會做出許多不同的假設，好讓自己有多手準備。 我是個自認多疑既人，呢個性格特質，響過往既日子裡面讓我嘗過唔少甜頭，同時也因為同一個性格特質，讓我輸過唔少。是好是壞，講唔到既。
有些人喜歡叫人去「改掉」某些佢地歸類為「唔好」既性格。我有時覺得荒謬，查實，性格可以「改」既咩？我其實就唔係好相信。但係成長既過程，不斷累積人生經歷，運用同控制自己性格特質既能力，卻會隨之而增強。或者咁講，我唔相信，當我人生閱歷越黎越多既時候，我會由一個原來好多疑既人，忽然變成唔再多疑。但係幾時要「格外多疑」，幾時可以稍稍放鬆一點，憑住經驗，會掌握得更加得心應手。又或者當我又再疑神疑鬼既時候，點樣處理自己既心情，會更得懂得自我調節。
人總係喜歡敗在自己既性格手上，特別係果d曾經為你帶來成功既特質。點樣好好運用，點樣收放自如，大概係一生人都學唔完既學問。
我算係個《三國》迷，同好多朋友一樣，愛上《三國》係因為打機。KOEI公司出既三國電腦遊戲，係我自己其中一個最重要既少年回憶。
然而細個讀《三國》，係為左方便自己打機。但係同一個《三國》既故事，長大之後透過各種媒體，不斷番睇又番睇，每次睇完，都有一d新既領會。特別做生意之後，自己成為左老闆，商場如戰場，對故事各個情節既感受，就更深。
*****
人總是敗給自己
早幾日，我響我老豆屋企食宵夜吹水。電視機剛剛播緊《三國》。老豆指住個電視話：「仔，你睇你，你同阿曹操一樣呀，多疑到死呀。」
我老豆同我性格好唔同。我老豆係個「賭徒」，做人永遠係一鼓作氣向前衝，打死罷就果隻。我就剛剛相反，做事總係左諗又諗，懷疑下呢樣又懷疑下果樣。 老豆嫌我做人多疑，佢講左好多年，佢話終有一日呢個多疑既性格會害番我自己。
曹操係大野心家，而且智慧過人。我都想好似佢咁，有咁既頭腦同識見。不過我反而記得戲裡面曹操曾經咁樣評價過自己：「成也多疑、敗也多疑。」
「多疑」這種性格特質，我估一般人都會認為係一個「有問題」，又或者係負面既性格特質。然而我卻傾向覺得，「多疑」本身並冇特別屬於正面或者負面既本質，問題在於你點樣去運用呢一個性格特質。事實上，我覺得人總係喜歡斷章取義，習慣將不同既性格特質粗疏地定性為「好」與「壞」 ，但事實卻並唔係咁樣。絕大部份既性格特質，本質上其實都係「中性」，冇所謂好、壞之分。只係不同既時間，不同既場合，不同既運用方法，同一個性格特質，會引發出南轅北轍既結果。像「多疑」，提起呢個特質，總係讓人諗起「唔信人」、「冇親信」、「孤寡」得結果，但「多疑」的人做事通常小心謹慎，而且凡事都會做出許多不同的假設，好讓自己有多手準備。 我是個自認多疑既人，呢個性格特質，響過往既日子裡面讓我嘗過唔少甜頭，同時也因為同一個性格特質，讓我輸過唔少。是好是壞，講唔到既。
有些人喜歡叫人去「改掉」某些佢地歸類為「唔好」既性格。我有時覺得荒謬，查實，性格可以「改」既咩？我其實就唔係好相信。但係成長既過程，不斷累積人生經歷，運用同控制自己性格特質既能力，卻會隨之而增強。或者咁講，我唔相信，當我人生閱歷越黎越多既時候，我會由一個原來好多疑既人，忽然變成唔再多疑。但係幾時要「格外多疑」，幾時可以稍稍放鬆一點，憑住經驗，會掌握得更加得心應手。又或者當我又再疑神疑鬼既時候，點樣處理自己既心情，會更得懂得自我調節。
人總係喜歡敗在自己既性格手上，特別係果d曾經為你帶來成功既特質。點樣好好運用，點樣收放自如，大概係一生人都學唔完既學問。
星期日, 四月 22, 2012
支援人員
早排公司打算招聘多一個IT Support，HR問我有冇乜野特別要求。我諗左一諗：「hmmm…其實最緊要脾氣好。」
畢業之後，我短暫地做過一陣子IT Support既工作。老實講，呢個部門既工作，到呢一刻我都依然認為係吃力不討好。做Support唔係搵錢部門，儘管我認為一間公司冇左support部門其實運作會好唔掂，但響香港既企業文化底下，呢個部門既地位一直唔高亦係事實。
我記得當時Support team裡面清一色係男仔，大家都血氣方剛。其他部門經常投訴我地唔合作，效率慢，而且喜歡搞對抗。效率慢我不能認同，但某程度上有「唔合作」既時候，則確係事實。之但係咁，唔合作既源頭又究竟係乜野？我當時既感受係，我地一班做support既同事，係極度唔受尊重。其他部門既同事，部腦有乜問題，總係習慣將責任推落你度。總之部腦行得慢唔識郁成日死…總之乜都好，都係入你數。做Support冇錯係being paid去幫佢地解決呢方面既問題，但係令一班support team手足勞氣既，卻係因為佢地部腦出左問題既時候，佢地會覺得係「IT」既錯。大佬， 究竟大家明唔明白，當你部腦出左問題既時候，最大既原因，係因為作為user既你不適當地使用電腦？俾你催命符咁催上黎幫你解決問題，仲要俾你硬砌一鑊，唔火就假既。 support team長久以黎都響一個咁既環境同氣氛之下工作，有時「有限度地」唔合作，算係些少心理補償。
部門之間既合作，係建基於一個循環既關係。你對我禮貌一點，感激多一點，自然我又會為你賣力多一點。 然而對負責支援既部門欠缺尊重，我多少覺得係香港地既企業文化，好難改變。我公司既同事知道我以前做過支援人員，我亦經常向佢地要求大家對支援部門既同事應該禮貌一d，客氣一d，但情況其實還是一樣。總之在我面前，大家說話也許會收斂一些，但在我既背後，總有些同事會八婆上身， 面對住班support同事，說話總是不留情面，一副我尊你卑既姿態。
我自覺無力改變這種文化，公司人少的時候，情況還比較控制得住。人多了，這種問題也就浮現出來。 唯有期望support既同事EQ夠高，可以百毒不侵。
*****
我是這樣離開這一行…
當年做support既時候，遇過一次這樣既情況。公司高層正準備做業績發佈會，殊不知，高層準備做presentation果部laptop突然上唔到網。仲有幾分鐘發佈會就開始，我地幾個support既同事自然心急到不得了。經過檢驗之後，發現原來係部Laptop既Lan cable插口有點鬆脫。高層怒不可歇，狂柄我地幾個support人員點X樣做野。我地其實覺得無奈，因為呢個高層果部laptop，平日像國家機密一樣，從來都唔俾我地部門既人掂。 你部腦我平時連見都未見過，臨時臨急有hardware problem你走黎入我數，唔岩規矩下話？
十幾年前既Laptop係唔興有built-in Wi-Fi既，otherwise就唔會發生以下既事情。高層發晒爛渣，話無論如何都唔可以響個發佈會裡面出錯。所以佢諗出黎既方法係，叫我地其中一個support既同事， 全程企響佢隔離，用隻手襟實條Lan線。你冇估錯，佢揀左我。個發佈會有press黎影相同錄影，小弟當日一碌木咁企響老細隔離，自然亦被攝入鏡頭。無啦啦上左鏡自然有親戚朋友同事睇到，俾人笑到面黃自然在所難免。當日年少氣盛兼且薄皮怕樣衰既我自然覺得氣難下，一怒之下就返屋企打辭職信，從此離開左呢行。
當然，受得人二分四自然要幫人頂屎。當日忍唔住啖氣亦證明我EQ唔合格。不過當日其中一樣令我最火滾既係，果位高層大吵大鬧話部機上唔到網唔可以接受，要求我做人肉接駁器棟響鏡頭前面，但當我全程企響老細隔離，雙眼緊盯住Laptop既螢光幕，慌死自己隻手一鬆會害死公司，但我企左成粒鐘，卻發覺高層既presentation powerpoint，根本早就存左響部腦既harddisk裡面。發佈會既presentation內容，根本冇一秒鐘係需要用到上網裝置。唔知係個高層電腦知識太弱，還是我有所誤會，咁即是話，查實根本冇需要有個傻仔棟響佢身邊，而我地之前發晒茅咁幫佢fix部腦既上網裝置，查實都係多X餘。
畢業之後，我短暫地做過一陣子IT Support既工作。老實講，呢個部門既工作，到呢一刻我都依然認為係吃力不討好。做Support唔係搵錢部門，儘管我認為一間公司冇左support部門其實運作會好唔掂，但響香港既企業文化底下，呢個部門既地位一直唔高亦係事實。
我記得當時Support team裡面清一色係男仔，大家都血氣方剛。其他部門經常投訴我地唔合作，效率慢，而且喜歡搞對抗。效率慢我不能認同，但某程度上有「唔合作」既時候，則確係事實。之但係咁，唔合作既源頭又究竟係乜野？我當時既感受係，我地一班做support既同事，係極度唔受尊重。其他部門既同事，部腦有乜問題，總係習慣將責任推落你度。總之部腦行得慢唔識郁成日死…總之乜都好，都係入你數。做Support冇錯係being paid去幫佢地解決呢方面既問題，但係令一班support team手足勞氣既，卻係因為佢地部腦出左問題既時候，佢地會覺得係「IT」既錯。大佬， 究竟大家明唔明白，當你部腦出左問題既時候，最大既原因，係因為作為user既你不適當地使用電腦？俾你催命符咁催上黎幫你解決問題，仲要俾你硬砌一鑊，唔火就假既。 support team長久以黎都響一個咁既環境同氣氛之下工作，有時「有限度地」唔合作，算係些少心理補償。
部門之間既合作，係建基於一個循環既關係。你對我禮貌一點，感激多一點，自然我又會為你賣力多一點。 然而對負責支援既部門欠缺尊重，我多少覺得係香港地既企業文化，好難改變。我公司既同事知道我以前做過支援人員，我亦經常向佢地要求大家對支援部門既同事應該禮貌一d，客氣一d，但情況其實還是一樣。總之在我面前，大家說話也許會收斂一些，但在我既背後，總有些同事會八婆上身， 面對住班support同事，說話總是不留情面，一副我尊你卑既姿態。
我自覺無力改變這種文化，公司人少的時候，情況還比較控制得住。人多了，這種問題也就浮現出來。 唯有期望support既同事EQ夠高，可以百毒不侵。
*****
我是這樣離開這一行…
當年做support既時候，遇過一次這樣既情況。公司高層正準備做業績發佈會，殊不知，高層準備做presentation果部laptop突然上唔到網。仲有幾分鐘發佈會就開始，我地幾個support既同事自然心急到不得了。經過檢驗之後，發現原來係部Laptop既Lan cable插口有點鬆脫。高層怒不可歇，狂柄我地幾個support人員點X樣做野。我地其實覺得無奈，因為呢個高層果部laptop，平日像國家機密一樣，從來都唔俾我地部門既人掂。 你部腦我平時連見都未見過，臨時臨急有hardware problem你走黎入我數，唔岩規矩下話？
十幾年前既Laptop係唔興有built-in Wi-Fi既，otherwise就唔會發生以下既事情。高層發晒爛渣，話無論如何都唔可以響個發佈會裡面出錯。所以佢諗出黎既方法係，叫我地其中一個support既同事， 全程企響佢隔離，用隻手襟實條Lan線。你冇估錯，佢揀左我。個發佈會有press黎影相同錄影，小弟當日一碌木咁企響老細隔離，自然亦被攝入鏡頭。無啦啦上左鏡自然有親戚朋友同事睇到，俾人笑到面黃自然在所難免。當日年少氣盛兼且薄皮怕樣衰既我自然覺得氣難下，一怒之下就返屋企打辭職信，從此離開左呢行。
當然，受得人二分四自然要幫人頂屎。當日忍唔住啖氣亦證明我EQ唔合格。不過當日其中一樣令我最火滾既係，果位高層大吵大鬧話部機上唔到網唔可以接受，要求我做人肉接駁器棟響鏡頭前面，但當我全程企響老細隔離，雙眼緊盯住Laptop既螢光幕，慌死自己隻手一鬆會害死公司，但我企左成粒鐘，卻發覺高層既presentation powerpoint，根本早就存左響部腦既harddisk裡面。發佈會既presentation內容，根本冇一秒鐘係需要用到上網裝置。唔知係個高層電腦知識太弱，還是我有所誤會，咁即是話，查實根本冇需要有個傻仔棟響佢身邊，而我地之前發晒茅咁幫佢fix部腦既上網裝置，查實都係多X餘。
星期五, 四月 20, 2012
果幾個Whatsapp msg
光頭仔現在所返既學校，係一間開張冇耐既新學校。小本經營，所以校舍相對簡陋。設備唔多，校舍內供小朋友玩既玩具，更加係乏善足陳。同果d名牌幼稚園比，係天同地。至於人手嘛，我諗我一眼見晒。
我用「小妹妹」黎形容，光頭仔所讀果班既兩位老師。佢地兩個樣子好年輕（又或者只係保養得太好？），然而響商業社會裡面，「童顏」一向都係一個咀咒。需然我都係「童顏」一族，而且長久以黎都係活響自己「童顏」底下既受害者，但眼見自己既囝囝要交託俾兩位「小妹妹」既時候，我心裡面還是覺得蠻不安。
光頭仔初次自己返學，同爸爸媽媽分開既一刻喊到收唔到聲。stephy同我忍痛將佢交到去「小妹妹」既手上，帶佢入課室。唔到半分鐘，「小妹妹」從課室裡面追出黎截住老婆同我，嚇得我以為係咪光頭仔響課室裡面出左事。
「放心，佢冇事。」小妹妹老師笑咪咪咁講：「emmm…只係想問你地，我見你地兩個都用iphone，想問你地有冇install whatsapp。」
「唉，呢個小妹妹真係…」我心諗。
*****
送左光頭仔返學，我獨自駕車返工。心裡面仲係擔心緊，初次獨自留響幼稚園上課既光頭仔，到底依家係點樣既情況。見佢剛才喊到死去活來既樣，儘管知道呢個係小孩子既必經階段，心裡面還是忐忑不安。
返到公司樓下，電話傳黎收msg既訊號。
個message係咁既：「先生太太：請放心，光頭仔的情緒經已穩定下來。現在正跟其他同學一起在畫圖畫。」之後message訊號再響起，收到既係一幅相片。相片裡面，正正係光頭仔同佢既同學仔一齊畫圖畫既情形。
坦白講，好難形容收到message果一刻，果種如釋重負既感覺。往後既幾日，光頭仔既情況逐漸有點好轉，但係送佢返學果一刻，佢依然係忍唔住喊。小妹妹老師於是連續幾日，都將光頭仔上堂既相片whatapps俾stephy同我。大概佢都明白，呢個咁既時間，冇野俾一幅即時既相片，更能讓我地放心。然而真正脆弱既，並唔係小朋友，而係父母。
*****
事實上，響收到佢message之後，我對呢位小妹妹係有一d另眼相看。其實佢冇乜「必要」咁做，不過只係簡單幾個message，對老婆同我黎講，就意義重大。
昨天我同小妹妹閒聊了幾句，佢話呢個係佢地幾位老師對新同學既一貫practice，希望佢地既父母會能夠放心。也許係我孤漏寡聞吧，我自己反而冇聽過其他朋友響其他學校有遇過同樣既事情。盡管呢間學校只是小本經營，講規模講設備，樣樣都唔夠d名牌揮，但「單純」既我，卻被幾個whatapps message所打動。或者只係我「一廂情願」，但我確信呢一盤小生意，會係一盤有Heart既生意。
希望佢會發展得成功。
祝大家有個愉快既週末。
我用「小妹妹」黎形容，光頭仔所讀果班既兩位老師。佢地兩個樣子好年輕（又或者只係保養得太好？），然而響商業社會裡面，「童顏」一向都係一個咀咒。需然我都係「童顏」一族，而且長久以黎都係活響自己「童顏」底下既受害者，但眼見自己既囝囝要交託俾兩位「小妹妹」既時候，我心裡面還是覺得蠻不安。
光頭仔初次自己返學，同爸爸媽媽分開既一刻喊到收唔到聲。stephy同我忍痛將佢交到去「小妹妹」既手上，帶佢入課室。唔到半分鐘，「小妹妹」從課室裡面追出黎截住老婆同我，嚇得我以為係咪光頭仔響課室裡面出左事。
「放心，佢冇事。」小妹妹老師笑咪咪咁講：「emmm…只係想問你地，我見你地兩個都用iphone，想問你地有冇install whatsapp。」
「唉，呢個小妹妹真係…」我心諗。
*****
送左光頭仔返學，我獨自駕車返工。心裡面仲係擔心緊，初次獨自留響幼稚園上課既光頭仔，到底依家係點樣既情況。見佢剛才喊到死去活來既樣，儘管知道呢個係小孩子既必經階段，心裡面還是忐忑不安。
返到公司樓下，電話傳黎收msg既訊號。
個message係咁既：「先生太太：請放心，光頭仔的情緒經已穩定下來。現在正跟其他同學一起在畫圖畫。」之後message訊號再響起，收到既係一幅相片。相片裡面，正正係光頭仔同佢既同學仔一齊畫圖畫既情形。
坦白講，好難形容收到message果一刻，果種如釋重負既感覺。往後既幾日，光頭仔既情況逐漸有點好轉，但係送佢返學果一刻，佢依然係忍唔住喊。小妹妹老師於是連續幾日，都將光頭仔上堂既相片whatapps俾stephy同我。大概佢都明白，呢個咁既時間，冇野俾一幅即時既相片，更能讓我地放心。然而真正脆弱既，並唔係小朋友，而係父母。
*****
事實上，響收到佢message之後，我對呢位小妹妹係有一d另眼相看。其實佢冇乜「必要」咁做，不過只係簡單幾個message，對老婆同我黎講，就意義重大。
昨天我同小妹妹閒聊了幾句，佢話呢個係佢地幾位老師對新同學既一貫practice，希望佢地既父母會能夠放心。也許係我孤漏寡聞吧，我自己反而冇聽過其他朋友響其他學校有遇過同樣既事情。盡管呢間學校只是小本經營，講規模講設備，樣樣都唔夠d名牌揮，但「單純」既我，卻被幾個whatapps message所打動。或者只係我「一廂情願」，但我確信呢一盤小生意，會係一盤有Heart既生意。
希望佢會發展得成功。
祝大家有個愉快既週末。
星期四, 四月 19, 2012
總有第一次
凡事都總有第一次，第別係發生響囝囝身上。
今個星期，光頭仔終於第一次「自己」返學。之前去playgroup媽媽會陪住佢上堂，即使後期為左想佢適應，媽媽會響課堂過程中離開課室，但光頭仔依然知道，媽媽就響課室出面，所以仍然玩得開心自在。
升左班，轉左學校 ，上堂時間忽然double up，媽媽唔再響課室出面守候。我本來估，囝囝應該掂既，之前一個人響舊校課室裡面依然班得悠言自得，升班之後應該唔會太難適應掛。
點知，估錯晒。
光頭仔變身成為大喊十。
我負責每朝返工前車囝囝返學，送佢入學校門口，光頭仔用力抓住我同老婆既衣服。抓呀抓，平時都唔發覺，兩歲幾既人仔原來可以咁大力。
我睇過d文章話，送細路仔返學，千祈唔好俾佢feel到你唔捨得，要表現得決絕一d，否則會阻礙小朋友既成長。 我同老婆夾好，一齊送到佢入學校門口，一有老師黎接佢，拿拿臨講句bye bye就即刻轉身閃。我兩公婆本來準備跟實劇本做，well…事實證明，我同老婆都唔係一個稱職既演員。
我有時覺得，我身處既商業社會，週圍都係大鱷，危機四伏，步步驚心。我響咁既環境打滾左咁多年，自以為乜都俾我見過啦，仲有d乜會令我覺得為難既呢？
做生意尤如打杖上陣殺敵，遇神殺神遇彿殺彿，我殺你時你又殺返我，睇下邊個唔好彩，其實冇乜hard feeling。然而當處理既事情涉及感情既connection之時，只是簡單一件小事，都讓你心難安。
晚飯既時候，光頭仔無啦啦諗下諗下，口噏噏左幾句，諗返今朝番學既片段，食食下飯，忽然又忍唔住喊左出黎囉。
我明白凡事總有第一次，光頭仔返多幾日學，習慣左個新環境，情況應該會有改善。只不過，當我自大地以為，做左咁多年人，見過咁多世面，應該冇乜野難到我掛既時候，簡單如送阿仔返學，都令我忐忑不安，唔知如何自處，真係樣衰。
而且，當個小朋友喊到死去活來，表現得好似好唔捨得咁，但真正脆弱果個，我覺得查實唔係佢，而係父母。
明天一早，再接再厲。
今個星期，光頭仔終於第一次「自己」返學。之前去playgroup媽媽會陪住佢上堂，即使後期為左想佢適應，媽媽會響課堂過程中離開課室，但光頭仔依然知道，媽媽就響課室出面，所以仍然玩得開心自在。
升左班，轉左學校 ，上堂時間忽然double up，媽媽唔再響課室出面守候。我本來估，囝囝應該掂既，之前一個人響舊校課室裡面依然班得悠言自得，升班之後應該唔會太難適應掛。
點知，估錯晒。
光頭仔變身成為大喊十。
我負責每朝返工前車囝囝返學，送佢入學校門口，光頭仔用力抓住我同老婆既衣服。抓呀抓，平時都唔發覺，兩歲幾既人仔原來可以咁大力。
我睇過d文章話，送細路仔返學，千祈唔好俾佢feel到你唔捨得，要表現得決絕一d，否則會阻礙小朋友既成長。 我同老婆夾好，一齊送到佢入學校門口，一有老師黎接佢，拿拿臨講句bye bye就即刻轉身閃。我兩公婆本來準備跟實劇本做，well…事實證明，我同老婆都唔係一個稱職既演員。
我有時覺得，我身處既商業社會，週圍都係大鱷，危機四伏，步步驚心。我響咁既環境打滾左咁多年，自以為乜都俾我見過啦，仲有d乜會令我覺得為難既呢？
做生意尤如打杖上陣殺敵，遇神殺神遇彿殺彿，我殺你時你又殺返我，睇下邊個唔好彩，其實冇乜hard feeling。然而當處理既事情涉及感情既connection之時，只是簡單一件小事，都讓你心難安。
晚飯既時候，光頭仔無啦啦諗下諗下，口噏噏左幾句，諗返今朝番學既片段，食食下飯，忽然又忍唔住喊左出黎囉。
我明白凡事總有第一次，光頭仔返多幾日學，習慣左個新環境，情況應該會有改善。只不過，當我自大地以為，做左咁多年人，見過咁多世面，應該冇乜野難到我掛既時候，簡單如送阿仔返學，都令我忐忑不安，唔知如何自處，真係樣衰。
而且，當個小朋友喊到死去活來，表現得好似好唔捨得咁，但真正脆弱果個，我覺得查實唔係佢，而係父母。
明天一早，再接再厲。
星期五, 三月 16, 2012
星期三, 三月 14, 2012
男人的真正成就
今天在生果報讀到這篇文章，很喜歡，也很有共鳴：
*****
*****
利字當頭：獎牌和獎杯的分別
上星期五，鄰居 Alison姐約下午茶，天南地北甚麼都講。不知怎地，講到了男女大不同的問題，我覺得這個題目，絕對值得所有為人父母者好好思考。
「這十年八載，教育制度對男仔非常不利。可以說，男仔的強勢都被去掉，變得越來越似女仔。」我說。「此話怎講？」 Alison作為獵頭族人，當然知道今天的職場上越來越多女將。問題是，教育制度怎樣產生這個現象，好像沒有人深入討論過。
我是傳統和尚寺教出來的舊社會。以前，我那個年代的學生領袖，最大成就，是為學校贏取幾個獎杯，放在走廊的飾櫃。獎杯上面，沒有個人的名字。時至今日，學生追求的是掛在自己頸上的獎牌。對升學有幫忙嘛！不過，獎杯代表的團隊精神，便從此漸漸失傳。男人要成功，最緊要能夠承擔得起一家人，一隊人，甚至一族人的責任。追求頸上的獎牌，膊頭和腰骨的鍛煉就不夠。男仔，也永遠都沒法長大成男人。簡而言之，這一代男子，都沒有征服對手的欲望。
「點解女仔會成為這個教育制度的贏家？」 Alison這個問題問得好。
公主學校，雖然都有參加各種校際比賽。不過，我接觸過師姑庵的公主，個個堅持自己學校的一些特殊氣質是最好的。她們甚至有自己的秘密語言。我覺得，公主們有競爭，但是目標不是要征服對手。公主的比拼，就像選美，目標是將自己代表的一套價值，發揮到完美。男仔也跟這一套遊戲規則，所以就有像港男選舉那種令人看了作嘔的低級趣味。
孤陽不生，獨陰不長。本來，企業管理層，社會領袖，應該同時具備以上講的特點。香港就是欠了剛陽之氣，不長進，是自然現象。
「這十年八載，教育制度對男仔非常不利。可以說，男仔的強勢都被去掉，變得越來越似女仔。」我說。「此話怎講？」 Alison作為獵頭族人，當然知道今天的職場上越來越多女將。問題是，教育制度怎樣產生這個現象，好像沒有人深入討論過。
我是傳統和尚寺教出來的舊社會。以前，我那個年代的學生領袖，最大成就，是為學校贏取幾個獎杯，放在走廊的飾櫃。獎杯上面，沒有個人的名字。時至今日，學生追求的是掛在自己頸上的獎牌。對升學有幫忙嘛！不過，獎杯代表的團隊精神，便從此漸漸失傳。男人要成功，最緊要能夠承擔得起一家人，一隊人，甚至一族人的責任。追求頸上的獎牌，膊頭和腰骨的鍛煉就不夠。男仔，也永遠都沒法長大成男人。簡而言之，這一代男子，都沒有征服對手的欲望。
「點解女仔會成為這個教育制度的贏家？」 Alison這個問題問得好。
公主學校，雖然都有參加各種校際比賽。不過，我接觸過師姑庵的公主，個個堅持自己學校的一些特殊氣質是最好的。她們甚至有自己的秘密語言。我覺得，公主們有競爭，但是目標不是要征服對手。公主的比拼，就像選美，目標是將自己代表的一套價值，發揮到完美。男仔也跟這一套遊戲規則，所以就有像港男選舉那種令人看了作嘔的低級趣味。
孤陽不生，獨陰不長。本來，企業管理層，社會領袖，應該同時具備以上講的特點。香港就是欠了剛陽之氣，不長進，是自然現象。
<節錄自3/14，蘋果日報財經版>
*****
我家小孩係個囝囝，老婆成日話，佢既然係個男仔，有關教導價值觀既責任，就交俾我啦。
也許我係有點大男人主義，但男與女之間，在承擔既程度同責任，坦白講我認為係應該有點分別。男人強悍，並唔係表現響你有幾風光幾威水既層面之上。事實上，我認為一個男性既尊嚴所在，正係佢仲保留住對家庭、對團隊既一份承擔。
也許我係有點大男人主義，但男與女之間，在承擔既程度同責任，坦白講我認為係應該有點分別。男人強悍，並唔係表現響你有幾風光幾威水既層面之上。事實上，我認為一個男性既尊嚴所在，正係佢仲保留住對家庭、對團隊既一份承擔。
總覺得今天既香港教育，不自覺地側重了追求「個人」既榮譽和得益。對於「團隊精神」那回事，變得越黎越唔重要。TEAM這個字裡面沒有"I"，這個小時候時常聽到的「教訓」，係咪早已經被人認定為過時？
星期五, 三月 09, 2012
支持率
報紙話，民調反映梁振英既支持率高企，大大細細既survey結果，係梁振英既支持率大約響60%上下。（抑或已經再高d？）
我冇讀過統計，亦唔識呢d數字係點計出黎。只不過，對於何謂「民意支持」，一直都聽唔明，搞唔清。我傾向覺得，香港人對梁振英既認識其實少之又少，所謂「支持」，實際上係因為另外果件候選人太過不濟既結果所致。然而我唔理解既係，「我不支持唐英年」，是否就等於「我支持梁振英」？我自己心裡面就覺得兩者之間唔應該有等號，但連日既發展係，當唐唐既醜事越揭越多，民眾越黎越唔buy佢既同時，CY既所謂「民望」就越黎越高。 咁我大膽假設，民眾「支持」一個候選人既基礎，主要係因為另一個對手唔掂，然而咁既所謂「支持」，查實又算唔算係理性呢？
當然查實點講都係廢話。全香港包括我在內既絕大部份市民，反正都冇資格投票，姑勿論呢種所謂「支持」係理性與否，大概都唔重要。
*****
白票…
假設你係一個靚女，有兩個追求者，甲君同乙君都主動向你求婚。 假如你兩個都唔係咁鍾意既話，你會點做？
如果係我就一定會兩個都唔揀，然後繼續等待一個自己真係喜歡既真命天子出現。但係我諗，除非個女仔超級恨嫁，否則絕對唔會因為發現甲君行為不檢兼冇膊頭，而忽然覺得乙君變得好值得嫁。唔鍾意就係唔鍾意，唔適合就係唔適合，唔會因為其中一個既行為相對不知所謂，而另一個就忽然變成一個好合適既結婚對象。
當然，選舉唔係揀老公，不能相提並論。我只係無法理解，響政治底下，民眾心理背後既邏輯。
結婚既人碰唔到合適既對象可以選擇單身，政治選舉(抑或應該正確一點叫做「選拔」？)當然係冇呢個option 。
*****
我忽然無聊諗，假如我係一個趕住嫁既中女，而又因為某些原因而不能選擇繼續單身。擺在面前既兩個結婚對象，一個死蠢冇膊頭，而另一個則既陌生又陰險， 只能二擇其一，置身咁既處境，查實都幾淒涼。我大概會認定自己前世必定係壞事做盡，今世才會落得此事此刻既如此下場。面對如此困局，到底最終會係車毀人亡，還是有機會柳暗花明？
祝大家有個愉快既週末。
我冇讀過統計，亦唔識呢d數字係點計出黎。只不過，對於何謂「民意支持」，一直都聽唔明，搞唔清。我傾向覺得，香港人對梁振英既認識其實少之又少，所謂「支持」，實際上係因為另外果件候選人太過不濟既結果所致。然而我唔理解既係，「我不支持唐英年」，是否就等於「我支持梁振英」？我自己心裡面就覺得兩者之間唔應該有等號，但連日既發展係，當唐唐既醜事越揭越多，民眾越黎越唔buy佢既同時，CY既所謂「民望」就越黎越高。 咁我大膽假設，民眾「支持」一個候選人既基礎，主要係因為另一個對手唔掂，然而咁既所謂「支持」，查實又算唔算係理性呢？
當然查實點講都係廢話。全香港包括我在內既絕大部份市民，反正都冇資格投票，姑勿論呢種所謂「支持」係理性與否，大概都唔重要。
*****
白票…
假設你係一個靚女，有兩個追求者，甲君同乙君都主動向你求婚。 假如你兩個都唔係咁鍾意既話，你會點做？
如果係我就一定會兩個都唔揀，然後繼續等待一個自己真係喜歡既真命天子出現。但係我諗，除非個女仔超級恨嫁，否則絕對唔會因為發現甲君行為不檢兼冇膊頭，而忽然覺得乙君變得好值得嫁。唔鍾意就係唔鍾意，唔適合就係唔適合，唔會因為其中一個既行為相對不知所謂，而另一個就忽然變成一個好合適既結婚對象。
當然，選舉唔係揀老公，不能相提並論。我只係無法理解，響政治底下，民眾心理背後既邏輯。
結婚既人碰唔到合適既對象可以選擇單身，政治選舉(抑或應該正確一點叫做「選拔」？)當然係冇呢個option 。
*****
我忽然無聊諗，假如我係一個趕住嫁既中女，而又因為某些原因而不能選擇繼續單身。擺在面前既兩個結婚對象，一個死蠢冇膊頭，而另一個則既陌生又陰險， 只能二擇其一，置身咁既處境，查實都幾淒涼。我大概會認定自己前世必定係壞事做盡，今世才會落得此事此刻既如此下場。面對如此困局，到底最終會係車毀人亡，還是有機會柳暗花明？
祝大家有個愉快既週末。
星期一, 三月 05, 2012
現實。堅持。選擇。
我對中環的Sevva有點偏見，每次在這裡跟人談公事，總是有點不歡而散收場的情況出現。也許是我迷信，但有些地方，你就是覺得唔多利自己，唔多「老黎」。
*****
「Let's be frank…」Roger用這句開場白，我就有點唔多好既預感：「Behind我地公司既基金，對你地好有興趣，想at least take a stake。如果你地唔介意既話，我地可以簽個NDA，an then你地send us your financial statement，let's see我地有冇機會合作。」
Roger係行家，一個比我早近十年入行既行家。佢既創業故事，同我其實有點相似。然而Roger既公司比我成功，規模比我間蚊型企業大好多。經過十幾年既日子，佢地既公司，響亞洲區算係行內規模最大既三間之一。我入行既時候，佢地既規模同現在既我地差唔多，不過冇幾耐，佢地就極速咁擴張，直到現在變成行業巨人。
聞說當年，佢地俾基金睇中，得到巨額資金既幫助，然後打後果七、八年，佢地由一個基金，賣左去俾另一個基金，又再賣過俾又另一個基金，縱使我尚算緊貼行家新聞，但我都已經搞唔清，佢地到底轉左幾多次手。
「Hey Roger…」我吸了口大氣：「Let me be frank as well，我地唔需要新既shareholders，我地現在背後既股東有足夠實力提供funding俾我地，多謝你睇得起我，不過我睇唔到有呢個需要。」
這句對白，根本就係劇本既一部份。姑勿論我希唔希望得到private equity入股都好，有人問，我必定係會咁答既。莫非我會話：「好呀，你快d黎投資我啦，please…」？商業社會討厭既地方，就係大家都唔知點解係要跟住呢類「劇本」去做，又假，又浪費時間。
「CK，行業唔同左啦。」Roger低頭想了想：「以前我地呢行，係好實在既生意。今時今日，全行都唔同晒，特別係香港。同我地同級既competitors，唔係上市既就係有基金背景，我知道你地背後既shareholders有實力，不過同唔到基金鬥架。」
Which is true。這個我當然明白。如果唔係，當Roger約我出黎傾既時候，我就連果少少時間都費事浪費啦。事實上，呢幾年，成行都變晒。大家都係行家，條數其實大家都知點計。當有人願意不斷用「賣一件蝕一件」既方式黎經營既時候，你就清楚知道，背後必定係有d野。有能力「賣一件蝕一件」既人，變得越黎越多，市場上既demand冇增加，但supply卻非理性地瘋狂增加，不斷做，不斷蝕，到底為乜？
「"Market share"對騙子黎講，is a perfect tool。」Roger苦笑。
「So you are talking about yourself？」我老實不客氣。
「Think about it CK，你地其實好危險。」Roger拍了一拍我膊頭：「我知道你地呢兩年不斷try to走出香港，香港既market經已爛晒，有排都返唔到轉頭。但係你到既地方，好快都會同香港一樣，你一樣走唔甩。」
我心裡面忽然記起一句話：「如果你鬥唔過佢地，就只好加入佢地。」
唉。
Roger既公司，經過N手Private Equity持股之後，據我所知，有極大量既借貸。我有時好懷疑，如此既借貸比例，市場上萬一有d乜風吹草動，到底應唔應付得到。每個人都以為自己有過人既經營能力，係「企業神醫」化身。當接手一間公司既時候，發現盤數唔靚，經營出現結構性問題，會一廂情願咁認為，係上一手果個冇自己既能力同智慧，先至會搞成咁。內裡有暗病既企業落在自己手上，係會有得救，而且前景一片光明。但係日子一耐，就發現大家原來殊途同歸，重病既企業，還是繼續病重，於是只能執靚個樣，幫佢化個靚妝，然後幫佢搵主好人家賣俾下一手，一齊玩音樂椅既遊戲。音樂未停，呢d公司表面上仍然風光無限，直至音樂停既一刻，就要睇睇火棒到底「花落誰家」。
Roger響過去十年既持股，又最初100%，去到今天less than 10%。
我估，佢既目標，其實係0%。
我響度諗，響金融業主導既商業社會裡面，到底仲有幾多空間，讓規模較小既企業，可以正正經經，實實在在咁做生意？
*****
有些餐廳，對我黎講依然係「唔太老黎」。
*****
「Let's be frank…」Roger用這句開場白，我就有點唔多好既預感：「Behind我地公司既基金，對你地好有興趣，想at least take a stake。如果你地唔介意既話，我地可以簽個NDA，an then你地send us your financial statement，let's see我地有冇機會合作。」
Roger係行家，一個比我早近十年入行既行家。佢既創業故事，同我其實有點相似。然而Roger既公司比我成功，規模比我間蚊型企業大好多。經過十幾年既日子，佢地既公司，響亞洲區算係行內規模最大既三間之一。我入行既時候，佢地既規模同現在既我地差唔多，不過冇幾耐，佢地就極速咁擴張，直到現在變成行業巨人。
聞說當年，佢地俾基金睇中，得到巨額資金既幫助，然後打後果七、八年，佢地由一個基金，賣左去俾另一個基金，又再賣過俾又另一個基金，縱使我尚算緊貼行家新聞，但我都已經搞唔清，佢地到底轉左幾多次手。
「Hey Roger…」我吸了口大氣：「Let me be frank as well，我地唔需要新既shareholders，我地現在背後既股東有足夠實力提供funding俾我地，多謝你睇得起我，不過我睇唔到有呢個需要。」
這句對白，根本就係劇本既一部份。姑勿論我希唔希望得到private equity入股都好，有人問，我必定係會咁答既。莫非我會話：「好呀，你快d黎投資我啦，please…」？商業社會討厭既地方，就係大家都唔知點解係要跟住呢類「劇本」去做，又假，又浪費時間。
「CK，行業唔同左啦。」Roger低頭想了想：「以前我地呢行，係好實在既生意。今時今日，全行都唔同晒，特別係香港。同我地同級既competitors，唔係上市既就係有基金背景，我知道你地背後既shareholders有實力，不過同唔到基金鬥架。」
Which is true。這個我當然明白。如果唔係，當Roger約我出黎傾既時候，我就連果少少時間都費事浪費啦。事實上，呢幾年，成行都變晒。大家都係行家，條數其實大家都知點計。當有人願意不斷用「賣一件蝕一件」既方式黎經營既時候，你就清楚知道，背後必定係有d野。有能力「賣一件蝕一件」既人，變得越黎越多，市場上既demand冇增加，但supply卻非理性地瘋狂增加，不斷做，不斷蝕，到底為乜？
「"Market share"對騙子黎講，is a perfect tool。」Roger苦笑。
「So you are talking about yourself？」我老實不客氣。
「Think about it CK，你地其實好危險。」Roger拍了一拍我膊頭：「我知道你地呢兩年不斷try to走出香港，香港既market經已爛晒，有排都返唔到轉頭。但係你到既地方，好快都會同香港一樣，你一樣走唔甩。」
我心裡面忽然記起一句話：「如果你鬥唔過佢地，就只好加入佢地。」
唉。
Roger既公司，經過N手Private Equity持股之後，據我所知，有極大量既借貸。我有時好懷疑，如此既借貸比例，市場上萬一有d乜風吹草動，到底應唔應付得到。每個人都以為自己有過人既經營能力，係「企業神醫」化身。當接手一間公司既時候，發現盤數唔靚，經營出現結構性問題，會一廂情願咁認為，係上一手果個冇自己既能力同智慧，先至會搞成咁。內裡有暗病既企業落在自己手上，係會有得救，而且前景一片光明。但係日子一耐，就發現大家原來殊途同歸，重病既企業，還是繼續病重，於是只能執靚個樣，幫佢化個靚妝，然後幫佢搵主好人家賣俾下一手，一齊玩音樂椅既遊戲。音樂未停，呢d公司表面上仍然風光無限，直至音樂停既一刻，就要睇睇火棒到底「花落誰家」。
Roger響過去十年既持股，又最初100%，去到今天less than 10%。
我估，佢既目標，其實係0%。
我響度諗，響金融業主導既商業社會裡面，到底仲有幾多空間，讓規模較小既企業，可以正正經經，實實在在咁做生意？
*****
有些餐廳，對我黎講依然係「唔太老黎」。
訂閱：
文章 (Atom)